Media Vita, 'n Reurend gedich

'n Reurendj gedich van wiele Cor Deneer in 't Wèssems, euver 't verlange nao rös en vrindjsjap van 'nne mins dae door 't laeve neet gespaardj woort. Euvergebrach in niej Limburgse spelling:

MEDIA VITA

Ich wól noe hiej en dao waal èns nao bènne loupe

want ich bön meug gesjörgdj langs 's Hiëren waeg.

Ich wól get vrundsjap en get beer mich koupe

en zètte mich en zègke: 'Drink èns laeg.'

Ich wól 't laeve langs mich haer zeen stroume

achter d'n raam, de handj aan 't glaas,

de veut nao 't veur en den get droume

 van vreuger, wie 't zomer waas.

Get kalle uëver wie de jaore kwome

mèt 'ne boekee van altied noew gelök.

Ich gluif neet mieë in zon en greun en blome;

't naojaor sjuvertj uëver miene rök.

Al briktj ouch noe de aerd weer bleujendj oeape,

al gruutj de zomer nog zoea sjtaats en groeat:

de sjieëm, dae èns mich hieët bekroeape

dae hèltj mich kompenie toet in d'n doead.

Cor Deneer; oet de bundel "In weemoed en in wijn" 1977, Uitgeversmaatschappij Dagblad voor Noord-Limburg
(opgegaon in Dagblad De Limburger).

28-02-2005