Biej ein ièste H. Kemunie

Wooróm doert nog den tied zwoa lang
Wooróm mien hert zwoa bliej, zwoa bang?
Wooróm kömp aan dees nach gein ènj,
Wooróm det ich de slaop neet vènj?
Wooróm det klèid van witte ziej,
Wooróm mien hert zwao bliej, zwao bliej?

 

Och kom, och kom, doe sjoonsten daag,
Noe ich vör ’t ièst óntvange maag
Jesuke in mien hertewoon
Levenhièrke, waat mot ich den doon?
’t Maak mich stil, det gruaot gelök.
Waat gaef ich Jesuke daovör trök?

 

Vör Uch mie lière, spele,slaope,
Op Eur goodheid blief ich haope;
Zaenge Vader, Mooder, estebleef,
Al die mich good zeen en zwao leef.

 

Josephine van Kempen-Clerx