Den aoje kirkmeister
i.m. J.C.
Eine minselèèftied ging der mit de sjaol,
kèèsrecht;
geinen deens sloog der over.
Hè kreeg einen aantak en veel neer:
ziene sjwaone profetekop
goof eine boets
op den helle Stein van de kirkkwaor.
Achteröver sloog der neer
mit ’t gezicht nao den hemel
zien fórde erm slogen ei kruuts in de loch
Hè verwèègdje neet mièè.
Wiej zien ouge broke
doe doufdje dao-in de sjien
van de gaodslamp sjus baoven hem.
Zwao grip Der dich
mit diene górgel,
wooste ouch bös.
Gelökkig de mins, dè gereid steit.
René Geurts