Kerstviering (18-12-2010)
De kersviering weurtj dit jaor anges. W’r haoje raekening mit de anger kerst-activiteite die al plaats vènje. Daodoor kömtj de mèsvering te vervalle. Op deze daag althans. ’t Bestuur kiktj op welke daag ’n dialectmès baeter op zien plaats is. Dao-äöver is wellich mieë bekèndj oppe jaorvergadering.
Waat den waal?
W’r beginne de kersviering smiddes óm half vief in de hal van EuroDetach (wo de Echter Revue woor). Dao is den ’n opveuring van d’n musical “Drie ruivers en ein Ster”, door kènjer van versjillendje basissjoale, same mit de Fanfaar St. Josef oet Pej, die dit alles organiseertj in ’t kader van häör 100-jaorig bestaon. D’r is ouch ’n kènjerkoar, ‘ne blokfluitgroep en det alles tösse de kersmèrt door, die nao aafloup vanne musical in de hal weurtj gehaoje.
Óm half zeve geit ederein van Veldeke Krink Ech op eige gelaeg nao Broen Café de Mert, wo vanaaf 19.00 oer oos kersdiner mit bekèndje tombola weurtj gehaoje. Hieväör höbbe leje zich intösse kènne opgaeve. Det belaoftj weer eine sjoane en sfeervolle aovendj te waere mit meziek en väórdracht. Dao kan ederein aan mitdoon, dus es g’r nog ’n passendj gedich örges in ’n laaj höbt ligke….
Pianist A. Feyen
(Kerstviering 19-12-2009)