Kringväörzitter Ton Janssen geridderdj.
Bie gelaegenheid van Käöninginnedaag is de väörzitter van Veldeke krink Ech, de hieër Ton Janssen in ’t bezit gekómme van ’n lintje, wo door hae ridder is beneumdj in de Orde van Oranje Nassau.
Bie de oetreiking, wobie o.a. ’t gehieël Veldeke Kringbestuur aanwezig woor, vermeldje börgemeister D. Akkermans naeve de betrokkenheid bie Veldeke seer langere tied, natuurlik ouch de anger maatsjappelijke bestuursfunkties die hae beklèdj en haef beklèdj.
Zien echtgenote José deiltj in de ieër en de bliedsjap.
Wie bedoeldj, koom de medaalje väör Ton Janssen gehieël ónverwachts. Det kós mekkelik, ómdet zie dae daag teves 40 jaor getrouwdj wore en ’n bietje fieëstelikheid, blome, slingers en bezeuk van kènjer en kleinkènjer neet direct opvele. Tót de börgemeister en bestuursleje van versjillendje vereniginge inèns oppe stoep stónge……
