• • Veldeke Krink Ech
  • Lidmaatsjap
  • Bestuur
  • 't Lètste nuuts
  • Jaorprogramma 2012 Veldeke Krink Ech
  • Kómmendje activiteit
  • Oos taal
    • Beuk in 't dialek
    • De spelling
    • Gedichte
      • Ad Welters
      • Ad van Mierlo
      • Catherina (Toos) Mulders-van Loon
      • F. Jennissen-Swinnen
      • Frits Smeets
      • Frits Wilms
      • Gerrit Mestrum
      • Gusta Schreinemachers-Wevers
      • Guus Kitzen
      • Jean Boumans
      • Josephine van Kempen-Clerx
      • Mariet Utens-Bekkers
      • Paul van der Goor
      • Pierre Feller
      • René Geurts
      • Sef van Wegberg
      • Tony Peeters
      • Truus Pietermans-Welters
      • Truus Welters-Janssen
      • Wil Vergoossen
    • Laeze en sjrieve
    • Op Radio Loes
    • Service
    • Sjrieverskrink Ech
    • Wae de jeug haef….
    • Waordebeuk
  • Väör oos leje
  • Väör oos bestuursleje
  • Links äöver taal en cultuur
  • Veldeke Krink Ech (archief)

Wiezo zenge veer oos volksleid in de Nederlandjse taal
Aangezeen Krekelberg zellef fier verachte vraemde praal
Al honderd jaor, dat zeen twelfhonderd maone
Raakt 't de harte en rolle de traone

In 't dialek sjprouk 't volk, de wirkluuj, den elektrieker
Notabele "converseerden" in 't Huillands, dat waas sjieker

Trots zeen maoge veer toch op oos modertaal

Basis veur kultuur, dageliks laeve en moraal
Raak geweunweg in opperste extaas
Op de golven van de kabbelende Maas
Nederlands kan toch nooit verwoorde en douge
Sentimente oet te drukke van oze harte en ouge
Gein taal angesj dan wo se mit bes opgegruijd
Rieker dan welke oug in doezend jaore opgebluijd
Omgaeve door de Belsj en de Pruus
En heel lang beheers door Kirk en kruus
Nirges in de welt besjteit eine regio

Es Limburg mit taalversjille zo legio
In oetsjpraak, in tonatie, soms kort, soms laank
Kirchraojs Zittesj Remunjs Venloes Mestreechse klaank
En de sjoonste provinsie van oos lendje is onbetwis
Neerlands zuidelikste deil zeker weite, besjlis
Het bekendst in de welt is zonger meer Andre Rieu
Oetgereik kreeg hae van eine minister, au nom de dieu
Une medaille culturelle de la France avec diploom
Toon Hermans is en dat zek ich zonger sjroom

't Menke dat Limburg op de kaart haet gezat

Nederlandj ging letterlik veur hem plat
Arranzjemente van hermenieje , Ge Reinders blees de bloes
Complimente doon hem verblieje, de Edison kump nao hoes
Heel concreet gezeen wae kan zich mit oos sjtreekske maete
TEFAF, 't Heuvellandj, de Peel en oos culinaire aete
Ertesop, asperges, Mosae-haai, balkebrie, zoervleisj, proeme-vlaai
Gans Limburg geit oet ziene bol en haet reuze lol
Aan de Vastelaovend, pleine en kroege loupe vol
Alle luuj zeen geliek, pakke zich biejein
Limburg erm of riek , Limburg allein
Toeriste laote hun cameraas flitsen, esse door oos lendje fitse
Japanners, Amerikane en Pole, Chineze, Italiane en Mongole
En daorom blief ich haope dat veer op eine sjone daag

Zenge "Dao is mien vaderlandj" dan is mien missie gesjlaag
Ich weit 't zeker dat mien verlange realiteit wurd, effe wachte
Neerlands harde G wurd vervange door de Limburgse zachte
Gerard num mich neit kwaolik mit alle respek
Taal-technies is Hollands veur luuj mit ein sjpraakgebrek

Frits Wilms, Nuujsjtadt