Bunjel mit gedichte noe ouch te koup!
Bie gelaegenheid van de viering van ’t tieënjaorig jubileum van de declamatiewedstrieje väör de sjoaljeug in Ech op 15 oktoaber jl., is ‘ne bunjel oetgebrach wo-in alle wènnendje gedichte oet die 10 jaor zeen bie-ein gebrach.
In totaal ruum 90 gedichte in ’t dialect, óm gewuuen te laeze – en dao vas bie te glimlache! – of óm eventueel zelf (mit de kènjer) te declamere. De mit klein teikeningskes geïllustreerdje gedichte zeen allemaol van Limburgse sjrievers, in het Echs ómgezatj door o.a. Piet Aben.
De óngerwerpe zeen hieël versjillendj, soms puntjig of óm te lache, soms ouch mieë serieus. In de bunjel ouch de gedichte die in de loup van die jaore door kènjer zelf, door hun aojers of groataojers zeen gemaaktj en väörgedrage.
’T Beukske is oetgeveurdj mit ‘ne spiraalbandj, zoadet d’r gans ómgeslage kan waere , waat henjig is bie ’t (väör)laeze.
De pries is 5 euro, bie aafhaole. Det kan zoalang d’r väörraod is op de volgendje adresse: Koperslagerstraat 17, Wilhelminalaan 163, Emmastraat 5, Schilbergerstraat 4 of Oleanderstraat 2 in Echt en St. Judocusstraat 1 te Sint Joost. Per e-mail bestèlle (tvanwegberg@planet.nl) en laote bezörge kan ouch; den weurtj ’t beukske bönne 1 waek aafgeleverdj en kómme 2 euro bezörgkoste d’rbie es ’t bönne de gemèndje is.
